Traballamos os textos (VIII)

 

O NOSO SEÑOR  SANT-IAGO

 

O do bordón, das cunchas e da estrela,

Patrón  da Terra nosa, aloumiñado

de saudosa paz, no esgrevio estrado

da enxebre catedral de Compostela!

 

Así  te adora nosa Fe sinxela:

no teu trono de prata encadeirado,

a man a benzoar, asosegado,

esquecido das loitas de Castela.

 

O teu cabalo branco como a neve,

a túa espada de rebrillos louros

e o relembro das tráxicas fazañas.

 

Que, arredrado de nós para sempre, os leve

o pobo que te alcuña matamouros,

a sanguiñosa xente das Españas!

 

Ramón Cabanillas, Da Terra asoballada.

 

  

1.- Resume o texto.

2.- Sinala a  súa estrutura.

3.- Indica o significado que teñen no texto as palabras subliñadas.

4.- Identifica os pronomes átonos do texto e xustifica a súa posición con relación  ao verbo, indicando a súa función.

 

5.-  Une mediante os números os elementos relacionados das tres columnas:

 

1	Vicente Risco		Trebón		Surrealismo
2	Manuel Antonio		Nao senlleira		Teatro das Irmandades
3	Castelao		O galo		Ensaio
4	Álvaro Cunqueiro		Dos arquivos do trasno		Hilozoísmo
5	Bouza Brey		Nós, os inadaptados		Narrativa de vangardas
6	CotareloValledor		Poemas do si e non		Narracións breves con debuxo
7	Rafael Dieste		De catro a catro		Neotrobadorismo
8	Amado Carballo		Os camiños da vida		Poesía lírica combativa
9	Ramón Cabanillas		Cousas		Novela realista sobre a decadencia da fidalguía.
10	Otero Pedrayo		Da terra asoballada		Creacionismo